>_ COÑÉCENOS
CUNDE Sociedade Cooperativa Galega
Servizos de xestión, produción e servizos culturais
CUNDE Sociedade Cooperativa Galega é unha empresa de xestión, produción e servizos culturais fundada en 2015 por profesionais técnicos da produción con máis de 15 anos de experiencia tanto no sector público como no privado, en empresas e institucións, ao cargo de espazos de programación, festivais, feiras e eventos principalmente en Galicia.
Enmarcado na economía social, CUNDE está integrada por profesionais que unen as súas habilidades e experiencia conformando un proxecto que non deixa de crecer e ampliarse desde a súa creación. Así, grazas ao aumento do número de socios e do persoal colaborador, estamos nun proceso de diversificación da actividade, abríndonos a eventos deportivos, científicos, audiovisuais, etc.
CUNDE é referencia no mercado galego da produción cultural, traballando non só no ámbito autonómico e nacional, senón tamén en contornas internacionais dirixindo e coordinando equipos de ata 250 persoas.
¡Ponnos cara!
Rodeámonos dun amplo equipo de profesionais, pero o núcleo de Cunde somos…
Cecilia Carballido
Necesita analizar para solucionar, por iso é polo que a súa cabeza funcione como un Excel. Ceci achega a súa ciencia exacta á produción.
Israel Arias 'Urri'
De zancada ampla e decisións rápidas, Urri é o home do ‘todo na cabeza’. Versátil, riseiro e produtor das 1000 solucións.
Ana López 'Ana dixital'
O seu cerebro funciona como un computador en canto a conectar ideas, profesionais e artistas, por iso Ana é, para todos, Ana Dixital.